دبئی: دبئی پولیس نے اینٹی نارکوٹکس کارروائی میں منشیات اسمگلنگ کی کوشش ناکام بناتے ہوئے 3 ملزمان کو گرفتار کرلیا۔
پولیس کے مطابق کارروائی کے دوران اہلکاروں نے 89 ہزار 760 کیپٹاگون گولیاں برآمد کیں جو نہایت چالاکی سے کپڑوں کے بٹنوں کے اندر چھپائی گئی تھیں تاکہ تلاشی کے دوران پکڑی نہ جائیں۔
ان منشیات کی مالیت تقریبا 44 لاکھ 80 ہزار درہم بتائی گئی ہے۔ آپریشن کوڈ نیم ٹاکسک بٹنز کے تحت دو عرب اور ایک ایشیائی شہری کو حراست میں لیا گیا ہے۔
