دبئی: متحدہ عرب امارات میں گرمی کے باعث ایشیا کپ کے میچز کا وقت تبدیل کردیا گیا۔
میچز اب ابتدائی اعلان کردہ شیڈول سے آدھا گھنٹہ بعد شروع ہوں گے، اس کی وجہ کھلاڑیوں اور تماشائیوں کو یو اے ای کی گرمی سے محفوظ رکھنا ہے۔ 19 میں سے 18 میچز مقامی وقت کے مطابق شام ساڑھے چھ بجے شروع ہوں گے۔
15ستمبر کو ابوظہبی میں 2 مقابلے ہونے ہیں۔ یواے ای اور عمان کے درمیان واحد ڈے میچ سہ پہر چار بجے شروع ہوگا۔ اسی شام سری لنکا اور ہانگ کانگ بھی مدمقابل آئیں گے۔
ایونٹ کا سب سے بڑا پاک بھارت ٹاکرا 14 ستمبر کو ہوگا۔
