وہاڑی: ریسکیو 1122 کی ٹیم نے وہاڑی کے نواحی علاقے موضع بستی اجمل میں سیلابی ریلے میں پھنسے 5 افراد کی زندگیاں بچا لیں۔
ریسکیو ذرائع کے مطابق رات گئے ریسکیو ہیلپ لائن پر ایمرجنسی کال موصول ہوئی جس پر ٹیم نے فوری رسپانس دیا اور ایک گھنٹے کے اندر اندر موقع پر پہنچ کر تمام متاثرہ افراد کو محفوظ مقام پر منتقل کر دیا۔
متاثرہ شخص محمد اعجاز نے میڈیا سے گفتگو کرتے ہوئے ریسکیو اہلکاروں اور حکومت پنجاب کا شکریہ ادا کرتے ہوئے کہا ہے کہ اللہ تعالی نے ہمیں نئی زندگی دی، ہمیں یقین نہیں تھا کہ رات گئے کوئی ہماری مدد کرے گا، لیکن ریسکیو ٹیم نہ صرف آئی بلکہ پوری جانفشانی سے ہماری مدد کی۔
