واشنگٹن: مقبولیت میں اضافے کے باعث امریکی صدارتی امیدوار کملا ہیرس کو انتخاب میں بڑی تعداد میں مسلمانوں کے ووٹ ملنے کا امکان ہے۔کونسل آف قامریکن اسلامک ریلیشنز کے سروے کے مطابق ڈیموکریٹ امیدوار کملا ہیرس کو صدارتی انتخاب میں مسلمانوں کے 29.4 فیصد ووٹ ملنے کا امکان ہے تاہم ان کا گرین پارٹی کی امیدوار سے سخت مقابلے ہوگا، گرین پارٹی کی صدارتی امیدوار جل اسٹین کومسلم کمیونٹی کے 29.1 فیصد ووٹ ملنے کا امکان ہے۔
25 سے27اگست کے درمیان ہونیوالے سروے کے مطابق کملا ہیرس کی حمایت مسلم کمیونٹی میں بڑھ رہی ہے تاہم 16.5 مسلمان ووٹرز کے مطابق انہوں نے ابھی طے نہیں کیا کہ وہ کس کو ووٹ دیں گے۔سروے کے مطابق جوبائیڈن کے صدارتی امیدوارہوتے انہیں صرف 7.3 مسلم ووٹرز کی حمایت حاصل تھی جبکہ گرین پارٹی کی امیدوار کی حمایت 36 فیصد تھی۔
سروے کے مطابق مسلمان ووٹرز مجموعی طور پر دونوں بڑی سیاسی جماعتوں ڈیموکریٹک اور ری پبلکن سے دور ہورہے ہیں۔ ڈیموکریٹک پارٹی کے حامی 69.1 فیصد ووٹرز میں سے اب 60 فیصد کا کہنا ہے کہ وہ اب صدارتی انتخاب میں تیسری پارٹی کو ووٹ دیں گے۔
سروے کے مطابق امریکا میں مسلمانوں کی تعداد 25 لاکھ ہے، مسلمان ووٹرز کی 94 فیصد تعداد غزہ جنگ سمیت دیگر معاملات پر صدر بائیڈن کی کارکردگی سے مطمئن نہیں ہے۔
