چینی کوسٹ گارڈ ہوانگ یان ڈاؤ اور ملحقہ سمندر میں گشت کررہے ہیں-(شِنہوا)
بیجنگ(شِنہوا)چینی فوج نے چین کے ہوانگ یان ڈاؤ اور اس کے ملحقہ پانیوں اور فضائی حدود میں جنگی تیاریوں کے سلسلے میں گشت کئے ہیں۔
چینی پیپلز لبریشن آرمی کے جنوبی تھیٹر کمانڈ نے کہا ہے کہ مئی سے اس کی افواج بحری اور فضائی دستوں کو منظم انداز سے تعینات کر رہی ہیں تاکہ ہوانگ یان ڈاؤ کے علاقائی پانیوں اور فضائی حدود میں مسلسل گشت کو مضبوط کیا جا سکے اور متعلقہ سمندری، فضائی کنٹرول اور انتظام کو مزید مستحکم کیا جا سکے۔
کمانڈ نے مزید کہا کہ اس اقدام کا مقصد چین کی خودمختاری اور سلامتی کا بھرپور دفاع کرنا اور جنوبی بحیرہ چین کے علاقے میں امن و استحکام کو برقرار رکھنا ہے۔
