ایرانی صدر نے واشنگٹن کے ساتھ براہ راست مذاکرات کو مسترد کر دیا

ایران کے صدر مسعود پزشکیان ایران کے تہران  میں ایک پریس کانفرنس میں شرکت کررہے ہیں۔(شِنہوا)

تہران (شِنہوا) ایرانی صدر مسعود پزشکیان نے تصدیق کی ہے کہ تہران نے صدر ڈونلڈ ٹرمپ کے خط کے جواب میں واشنگٹن کے ساتھ براہ راست مذاکرات کو مسترد کر دیا ہے تاہم انہوں نے زور دیا کہ ایران نے بالواسطہ مذاکرات کے دروازے بند نہیں کیے اور وہ اسےمسلسل کھلا رکھے ہوئے ہیں۔

پزشکیان نے یہ بات تہران میں کابینہ کے ایک اجلاس کے دوران کہی جس میں انہوں نے ٹرمپ کے خط کے حوالے سے ایران کے سرکاری جواب کی وضاحت کی جس میں تہران کے جوہری پروگرام پر براہ راست مذاکرات کی درخواست کی گئی تھی۔

یہ خط اس ماہ کے آغازمیں متحدہ عرب امارات کے ذریعے بھیجا گیا تھا جبکہ ایران کا جواب عمان کے ذریعے واشنگٹن تک پہنچایا گیا۔

پزشکیان کے مطابق اگرچہ تہران نے براہ راست مذاکرات کے امکان کو مسترد کر دیا لیکن اس نے بالواسطہ مذاکرات کے لیے اپنی آمادگی کا اعادہ کیا۔

یہ موقف اس نے سالوں سے برقرار رکھا ہے۔

انہوں نے کہا کہ ہم نے کبھی بھی بالواسطہ مذاکرات کے دروازے بند نہیں کیے۔انہوں نے مزید کہا کہ ماضی کے مذاکرات میں پیشرفت نہ ہونے کی وجہ امریکہ کی طرف سے وعدوں کی عدم تکمیل تھی۔

انہوں نے تجویز کیا کہ اسے اعتماد کی بحالی کے لیے حل کرنا ضروری ہے۔