ایگزیکٹو ڈائریکٹر پمز ہسپتال رانا عمران سکندر نے عمران خان کی دائیں آنکھ کے معائنے و ٹیسٹ کی تصدیق کردی۔
جاری بیان میں رانا عمران سکندر نے بتایا کہ بانی پی ٹی آئی نے کچھ روز قبل دائیں آنکھ کی بینائی میں کمی کی شکایت کی تھی جس پر سینئر ڈاکٹر نے اڈیالہ جیل میں ان کا معائنہ کیا اور ہسپتال بھیجنے کی سفارش کی جس پر انہیں پمز ہسپتال لایا گیا جہاں سینئر ڈاکٹرز کی ٹیم نے بانی پی ٹی آئی کی دائیں آنکھ کے اندر دباؤ کی پیمائش، ریٹینا کی او سی ٹی کی۔
انہوں نے بتایا کہ بانی پی آئی کی آنکھ میں سنٹرل ریٹینل وین اوکلوژن کی تشخیص ہوئی ۔انہوں نے بتایا کہ بانی پی ٹی آئی کو مرض اور علاج کے بارے میں تفصیل سے سمجھایا گیا اور علاج سے قبل باقاعدہ تحریری رضامندی بھی حاصل کی گئی۔
انہوں نے بتایا کہ بانی پی ٹی آئی کا علاج آپریشن تھیٹر میں جراثیم سے پاک ماحول اور نگرانی میں 20منٹ میں بخیر و خوبی مکمل کیا گیا۔
