لاہور ہائیکورٹ کے مستقل ہونیوالے 11ججز نے عہدوں کا حلف اٹھا لیا۔
ہفتے کو چیف جسٹس لاہور ہائی کورٹ جسٹس عالیہ نیلم نے مستقل ہونے والے ججز جسٹس حسن نواز مخدوم، جسٹس ملک وقار حیدر اعوان، جسٹس سردار علی اکبر، جسٹس احسن رضا کاظمی، جسٹس ملک جاوید اقبال، جسٹس محمد جواد ظفر، جسٹس خالد اسحاق، جسٹس ملک اویس خالد، جسٹس سلطان محمود، جسٹس تنویر احمد شیخ، جسٹس عبہر گل خان سے حلف لیا۔
تقریب میں وفاقی وزیر قانون اعظم نذیر تارڑ، ایڈووکیٹ جنرل پنجاب، پراسیکیوٹر جنرل پنجاب سمیت دیگر سینئر وکلا نے شرکت کی۔
