پاکستان نے ایران میں مختلف جرائم میں ملوث 10ہزار سے زائد پاکستانی شہریوں کے پاسپورٹ بلاک کردیئے۔ذرائع کے مطابق وزارت داخلہ نے ایران میں انسانی اسمگلنگ، غیر قانونی رہائش، منشیات، شدت پسندی اور دیگر جرائم میں گرفتار و ڈی پورٹ کئے گئے 10 ہزار 50 پاکستانیوں کے پاسپورٹ 5 سے 7 سال کیلئے بلاک کردیئے ہیں۔
ذرائع کے مطابق ایران نے گزشتہ ڈیڑھ سال میں 5ہزار سے زائد پاکستانیوں کو ڈی پورٹ کیا ہے جبکہ 4ہزار سے زائد پاکستانیوں کو غیر قانونی طور پر بارڈر کراس کرنے کے جرم میں ایران میں گرفتار کیا گیا ہے ۔ ذرائع کے مطابق جرائم میں ملوث پاکستانی شہریوں کیخلاف قانونی چارہ جوئی شروع کردی گئی ہے۔
