بھارت میںہریانہ اور پنجاب کے کسانوں کا مودی سرکار کی کسان دشمن پالیسیوں کے کے خلاف ملک گیر احتجاج جاری،کسان مزدور مورجہ اور کسان سنگٹھن مورچہ کی جانب سے جگجیت سنگھ ڈالیوال کے حق میںپنجاب بند کی کال دیدی گئی ،جگجیت سنگھ ڈالیوال ایک ماہ سے زائد عرصے سے بھوک ہڑتال پر ہیں۔
پیر کو بھارتی پنجاب میں صبح 7 بجے سے شام 4 بجے تک مکمل ہڑتال کی گئی،تمام سڑکیں بلاک کر دی گئیں۔ بازار اور کاروباری مراکز بند اور سڑکوں سے ٹریفک غائب رہی ۔ پنجاب بند کی کال حمایت میں منڈیوں میں پھل اور سبزیوں کی فراہمی بند ہوگی، دودھ فروش بھی سڑکوں پر نا آئے ۔
نجی اور عوامی بسیں سڑکوں پر نہیں چلیں کیونکہ کسان یونینوں نے 200 مقامات پرپہیہ جام اور 50 مقامات پر ریلوے پٹریاں بلاک کرنے کا اعلان کیا ۔ ریاستی حکومت کی جانب سے سیکورٹی سخت اور اہم جگہوں پر فورسز کے اہلکاروں کی اضافی نفری تعینات کردی گئی ہے۔ پنجاب یونیورسٹی اور گرونانک یونیورسٹی نے ہڑتال کی کال کے باعث امتحانات ملتوی کردئیے ہیں۔ کسان تنظیموں کی جانب سے 13 زرعی اصلاحات کے نفاذ کا مطالبہ کیا جارہا ہے جن میں تمام فصلوں کے لیے قانونی ضمانت بھی شامل ہے۔
٭٭٭٭٭
