رہنماء پی ٹی آئی یاسمین راشد نے کہا کہ حکومت کو ظلم کرتے شرم آنی چاہئے، جانوں کا حساب ہوگا، کارکن ہم سے لاشوں کا پوچھ رہے ہیں، پی ٹی آئی جمہوریت پر یقین رکھتی ہے،جوڈیشل کمیشن کی تشکیل کیلئے چیف جسٹس کو خط لکھوں گی ۔
اے ٹی سی لاہور پیشی کے موقع پر صحافیوں سے غیر رسمی گفتگو کرتے ہوئے رہنماء پی ٹی آئی یاسمین راشد نے کہا کہ پاکستان کی تاریخ میں آج تک ایسا ظلم نہیں دیکھاجو اسلام آباد احتجاج میں کیا گیا، حکومت نے بچے مار ڈالے، مذمت کیلئے الفاظ نہیں ہیں، کارکن ہم سے لاشوں کا پوچھ رہے ہیں۔انہوں نے کہا کہ حکومت کو انسانیت پر ظلم کرتے شرم آنی چاہئے،
ان جانوں کا حساب ہوگا۔ انہوں نے کہا کہ ہماری حکومت میں مولانا، بلاول اور مریم نواز نے لانگ مارچ کئے، مگر ہم نے تو انہیں نہیں روکا، تحریک انصاف جمہوریت پر یقین رکھتی ہے۔ انہوں نے کہا کہ پی ٹی آئی اپنے ایک ایک کارکن پر ظلم کا حساب لے گی، جوڈیشل کمیشن کی تشکیل کیلئے چیف جسٹس کو خط لکھوں گی ۔
