اسلام آباد:سپریم کورٹ نے رواں ہفتے کا ججز روسٹر جاری کردیا، معمول کے مقدمات کی سماعت کیلئے 7 بینچ تشکیل دے دیئے گئے۔ تفصیلات کے مطابق سپریم کورٹ نے رواں ہفتے کا ججز روسٹر جاری کردیا ہے جس کے مطابق معمول کے مقدمات کی سماعت کیلئے 7بینچ تشکیل دیے گئے ہیں۔پہلا بینچ چیف جسٹس کی سربراہی میں تشکیل دیا گیا ہے جس میں جسٹس نعیم اختر افغان، جسٹس شاہد بلال حسن شامل ہیں۔
دوسرا بینچ جسٹس منصور علی شاہ کی سربراہی میں تشکیل دیا گیا ہے جس میں جسٹس عائشہ ملک، جسٹس عقیل احمد عباسی شامل ہیں۔تیسرا بینچ جسٹس منیب اختر اور جسٹس اطہر من اللّٰہ پر مشتمل ہے۔چوتھا بینچ جسٹس یحییٰ آفریدی،جسٹس حسن اظہر رضوی اور جسٹس شاہد وحید پر مشتمل ہے۔
پانچواں بینچ جسٹس امین الدین خان کی سربراہی میں تشکیل دیا گیاجس میں جسٹس محمد علی مظہر، عرفان سعادت خان شامل ہیں۔چھٹے بینچ میں جسٹس جمال خان مندوخیل، جسٹس مسرت ہلالی اور جسٹس ملک شہزاد احمد خان شامل ہے جبکہ ساتواں بینچ جسٹس سردار طارق مسعود اور جسٹس مظہر عالم میاں خیل پر مشتمل ہے۔علاوہ ازیں سپریم کورٹ کے تمام 19ججز رواں ہفتے پرنسپل سیٹ اسلام آباد میں موجود ہوں گے۔
