شوبز انڈسٹری کی معروف اداکارہ صاحبہ نے کہا ہے کہ ایک وقت تھا جب شوہر انہیں بالی ووڈ اداکار اکشے کمار کی طرح محسوس ہوتے تھے۔
حال ہی میں ایک نجی ٹی وی پروگرام میں گفتگو کرتے ہوئے صاحبہ نے اپنی اور ریمبو کی محبت کی کہانی سے متعلق دلچسپ انکشافات کئے اور کہا کہ انہیں ریمبو کی ظاہری شکل سے زیادہ انکی عادات اور شخصیت نے متاثر کیا، ریمبو ایک پاکیزہ روح کے مالک تھے اور یہی خوبی انہیں سب سے زیادہ پسند تھی۔
وہ اکشے کمار کی بہت بڑی مداح رہی ہیں اور اسی وجہ سے انہیں ریمبو میں بھی اکشے کمار جیسی جھلک نظر آتی تھی، شادی سے قبل ریمبو ان کیلئے صاحبہ او صاحبہ گنگناتے، پھول تحفے میں دیا کرتے تھے اور فلم ہاتھی میرے ساتھی کی شوٹنگ کے دوران ایک موقع پر انکی جان بھی بچائی۔
اداکارہ کا کہنا تھا کہ شادی کے بعد جیسے جیسے رشتہ مضبوط ہوتا گیا انکی ایک دوسرے کیلئے اہمیت بھی بڑھتی گئی، انہوں نے جذباتی انداز میں کہا کہ اب وہ موت سے ڈرتے ہیں اور زندگی کو ایک دوسرے کے بغیر تصور نہیں کر سکتے، اگر یہ رشتہ مزید گہرا نہ ہوتا تو شاید وہ ایک دوسرے کو وقت کیساتھ بھول جاتے مگر آج وہ زندگی کو ایک نئے شعور اور احساس کیساتھ دیکھتے ہیں۔
