سپریم کورٹ نے جہیز اور حق مہر سے متعلق مختلف درخواستیں خارج کرتے ہوئے ریمارکس دیئے ہیں کہ شوہر حق مہر میں لکھی چیزیں ادا کرنے کا پابند ہے۔
جمعہ کو چیف جسٹس یحییٰ آفریدی کی سربراہی میں 2 رکنی بینچ نے درخواستوں پر سماعت کی۔
وکیل درخواست گزار نے کہا کہ حق مہر میں 40 تولہ سونا بہت زیادہ ہے، 20 تولہ ادا کرنے کو تیار ہیں۔
چیف جسٹس نے کہا کہ تھوڑا بڑھائیں تو شاید خاتون تصفیے پر آمادہ ہو جائے، عدالت ایسے معاملات میں مداخلت نہیں کر سکتی۔
چیف جسٹس نے ریمارکس دیئے کہ شوہر حق مہر میں لکھی چیزوں کو ادا کرنے کا پابند ہے، عورت کیساتھ جب شادی کرتے ہیں تو نکاح نامے کے تحت ادائیگی لازم ہے۔
بعد ازاں سپریم کورٹ نے جہیز اور حق مہر سے متعلق دائر مختلف درخواستیں خارج کر دیں۔
