وزیر اطلاعات پنجاب عظمی بخاری نے کہا ہے کہ پنجاب حکومت بلدیاتی انتخابات کیلئے تیار ہے، حلقہ بندیوں میں وقت لگ رہا ہے، مریم نواز بھاٹی گیٹ واقعے پر غمزدہ ہیں، انکوائری کیلئے 48گھنٹے کی مہلت دی گئی ہے۔
جاری بیان میں عظمی بخاری نے کہا کہ بھاٹی گیٹ واقعے سے متعلق پہلی اطلاع ریسکیو 1122نے دی۔
انہوں نے کہا کہ سانحہ پر وزیراعلی مریم نواز تکلیف میں ہیں، وہ حادثے کے بعد ایک ایک لمحے کی رپورٹ لیتی رہیں، انکوائری کیلئے 48گھنٹے کی مہلت دی گئی ہے، ملوث افراد کیخلاف سخت قانونی کارروائی کی جائیگی۔
عظمی بخاری نے بتایا کہ خاتون کے والد نے بتایا تھا کہ بیٹی کا شوہر کیساتھ جھگڑا ہوا تھا، اس لئے پولیس بچی کے والد کو لے گئی، پولیس کو لگا ہو گا کہ شائد شوہر اس معاملے میں ملوث ہے، اطلاعات ہیں جس شخص کی بیوی اور بچی گری پولیس نے اس کیساتھ غلط رویہ رکھا، اس پر بھی تحقیقات ہوں گی بھی ملوث پایا گیا اس کیخلاف کارروائی کی جائے گی۔
انہوں نے کہا کہ پنجاب حکومت بلدیاتی انتخابات کیلئے تیار ہے، پہلے قانون بننے میں وقت لگا اب حلقہ بندیوں میں وقت لگ رہا ہے۔
