انڈونیشیا میں ایک نرسنگ ہوم میں آتشزدگی سے 16 افراد جھلس کر ہلاک اور 3 زخمی ہو گئے۔
غیر ملکی میڈیا کے مطابق آتشزدگی کا واقعہ کے جزیرہ سولاویسی کے شہر مناڈو میں پیش آیا، فائر اینڈ ریسکیو ایجنسی کے سربراہ کے مطابق انہیں اتوار کی رات ساڑھے 8 بجے کے بعد وردھا دامائی ریٹائرمنٹ ہوم میں آگ لگنے کی اطلاع ملی، ریسکیو اہلکاروں کو 16 افراد کی لاشیں ملیں جبکہ 12 افراد کو ریسکیو کیا گیا جن میں سے 3 زخمیوں کو ہسپتال منتقل کیا گیا ہے۔
ادھر ریسکیو حکام کے مطابق ہلاک ہونیوالوں کی لاشیں انکے کمروں کے اندر سے ملی ہیں، آتشزدگی کے وقت بہت سے بزرگ رہائشی اپنے کمروں میں آرام کر رہے تھے۔
