سال 2024 کے آخر تک کے اعداد و شمار کے مطابق چین میں 65 سال یا اس سے زائد عمر کے شہریوں کی تعداد 2 کروڑ 20 لاکھ تک پہنچ گئی ہے جو کل آبادی کا 15.6 فیصد بنتی ہے۔
ملک بھر میں حکومت کے تعاون سے سینئر کینٹین اور گھریلو صحت کی دیکھ بھال کی خدمات ابھر کر سامنے آئی ہیں۔
چین کی جنوب مغربی میونسپلٹی چونگ قنگ کی یوبی کمیونٹی میں بزرگوں کی دیکھ بھال کی خدمات اب سمارٹ انداز میں فراہم کی جا رہی ہیں جس سے عمر رسیدہ رہائشیوں کو روزمرہ زندگی میں فائدہ ہو رہا ہے۔
کمیونٹی کینٹین میں فیس ریکگنیشن (چہرے سے شناخت) کی سہولت موجود ہے جس سے بزرگ شہری بغیر فون کے بھی آسانی سے ادائیگی کر سکتے ہیں۔
بگ ڈیٹا تجزیہ کے ذریعے کینٹین رہائشیوں کی کھانے کی ترجیحات ٹریک کر سکتی ہے اور ذاتی نوعیت کے مینو فراہم کرتی ہے۔
ساؤنڈ بائٹ 1 (چینی): محترمہ شُو، رہائشی یوبی کمیونٹی
“ایک یا دو بندوں کے لئے کھانا پکانا مشکل ہوتا ہے۔ کینٹین میری یہ مشکل حل کرتی ہے۔ خاص طور پر مجھے اپنے 93 سالہ والد کی دیکھ بھال کرنی ہوتی ہے۔ میں ان کے لئے گھر پر کچھ سوپ بنا سکتی ہوں اور یہاں سے کچھ کھانے گھر لے آتی ہوں جس سے میرا کام کا بوجھ کافی کم ہو جاتا ہے۔ میں اسے بہت آسان اور سہل محسوس کرتی ہوں۔”
کینٹین کے ذریعے تیار کردہ موبائل پروگرام ہر کھانے کے غذائی ریکارڈ کی مدد سے رہائشیوں کو ذاتی ہفتہ وار صحت کی رپورٹ فراہم کر سکتا ہے۔
یہ رپورٹس دائمی بیماریوں کی روک تھام اور انتظامات میں معاون کردار ادا کر سکتی ہیں۔
ساؤنڈ بائٹ 2 (چینی): لو شیاؤ ہوان، منیجر، کمیونٹی کینٹین
“ہم اپنے کھانے اور ہر کھانے کے غذائی اجزاء اپنے فون کے ذریعے چیک کر سکتے ہیں۔”
کمیونٹی میں بغیر رکاوٹ کے رہائشی ماحول بھی قائم کیا گیا ہے جس میں قابل رسائی سہولیات اور آلات دستیاب ہیں۔
کمیونٹی سینئر کیئر سینٹرز میں سمارٹ پِل بکس، سانس کی تھراپی کے آلات، سمارٹ کلائی بینڈز اور ایک بٹن الارم سسٹمز آزمائش، کرائے یا خریداری کے لئے دستیاب ہیں۔
ساؤنڈ بائٹ 3 (چینی): محترمہ شِنگ، یوبی کمیونٹی کی رہائشی
“جن بزرگ شہریوں کو چلنے میں دشواری ہے کمیونٹی اسٹاف انہیں واکنگ اسٹک فراہم کرتا ہے۔ جو نہانے میں مشکل محسوس کرتے ہیں ان کے لئے دروازے تک باتھنگ کی سہولت فراہم کی جاتی ہے۔ جنہیں ٹوائلٹ استعمال کرنے میں دشواری ہو ان کے گھروں میں سہارا دینے والی ہینڈ ریلز نصب کی جاتی ہیں۔ یہ سہولیات بزرگ شہریوں کے لئے بہت آسانیاں لے کر آئی ہیں۔”
چھونگ چھنگ، چین سے شِنہوا نیوز ایجنسی کے نمائندوں کی رپورٹ
۔۔۔۔۔۔۔۔۔۔۔۔۔۔۔۔۔۔
ٹیکسٹ آن سکرین:
چھونگ چھنگ کی یوبی کمیونٹی میں بزرگ شہریوں کے لئے سمارٹ کیئر کا اہتمام
بگ ڈیٹا تجزیہ کے ذریعے رہائشیوں کی کھانے کی ترجیحات معلوم کی جاتی ہیں
ذاتی نوعیت کے مینو بزرگ شہریوں کی غذائی ضروریات کے مطابق تیار کئے جاتے ہیں
فیس ریکگنیشن کی سہولت کے ذریعے ادائیگی کا عمل آسان بنایا گیا ہے
موبائل پروگرام ہر کھانے کا ریکارڈ بنا کر ہفتہ وار صحت رپورٹ دیتا ہے
یہ رپورٹس دائمی بیماریوں کی روک تھام اور انتظام میں معاون ہیں
کمیونٹی میں مثالی رہائشی ماحول اور قابل رسائی سہولیات دستیاب ہیں
سمارٹ پِل بکس، سمارٹ کلائی بینڈز اور ایک بٹن الارم سینٹرز میں دستیاب ہیں
بزرگ شہریوں کو واکنگ اسٹک اور گھر پر باتھنگ کی سہولت بھی دی جاتی ہے
ہینڈ ریلز اور دیگر سہولیات بزرگ شہریوں کی روزمرہ زندگی آسان بنا رہی ہیں
