امریکہ نے افغان پاسپورٹ ہولڈرز کے ویزوں کا اجرا روک دیا جبکہ پناہ کے خواہشمند افغانیوں کی اسائلم درخواستوں پر فیصلے بھی معطل کردیئے۔
غیر ملکی میڈیا کے مطابق امریکی محکمہ خارجہ نے بتایا ہے کہ یہ اقدام قومی سلامتی کو یقینی بنانے اور عوام کے تحفظ کو ضروری سمجھتے ہوئے اٹھایا گیا ہے۔
میڈیا رپورٹ کے مطابق محکمہ خارجہ کے اعلان کیساتھ ہی یو ایس سٹیزن شپ اینڈ امیگریشن سروسز نے بھی اپنے فیصلے روکنے کا حکم جاری کردیا ہے جس کے مطابق کسی بھی غیر ملکی کی سکریننگ اور سیکیورٹی جانچ مکمل ہونے تک کوئی فیصلہ آگے نہیں بڑھایا جائے گا۔
ادارے کے ڈائریکٹر جوزیف ایڈلو نے واضح کیا کہ مکمل تسلی کے بغیر کسی بھی شخص کی درخواست پر کارروائی نہیں ہوگی۔
