سری لنکا میں طوفان دتوا کے باعث بارشوں اور لینڈ سلائیڈنگ کے باعث ہلاکتوں کی تعداد 123 تک پہنچ گئی ہے۔
غیر ملکی میڈیا کے مطابق شدید بارشوں کے باعث مختلف علاقوں میں نظام زندگی درہم برہم ہو کر رہ گیا ہے، لینڈ سلائیڈنگ سے مختلف شہروں کا آپس میں رابطہ منقطع ہونے سے شہریوں کو مشکلات کا سامنا ہے۔
ڈیزاسٹر مینجمنٹ سینٹر کے مطابق ہلاکتوں کی تعداد 123 تک پہنچ چکی ہے جبکہ 130 افراد لاپتہ ہیں۔
حکام کے مطابق تقریبا 44 ہزار افراد اپنے گھروں سے محروم ہو چکے ہیں جنہیں سرکاری ویلفیئر مراکز میں منتقل کردیا گیاہے۔
