اسلام آباد میں نامعلوم افراد کی فائرنگ سے اے ایس آئی جاں بحق ہوگیا۔
ذرائع کے مطابق سبزی منڈی کی حدود میں واقع سی ڈی اے چوک کے قریب نامعلوم افراد نے اے ایس آئی علی اکبر پر فائرنگ کردی جس سے وہ شدید زخمی ہوگئے، ریسکیو حکام نے موقع پر پہنچ کر زخمی پولیس افسر کو ہولی فیملی ہسپتال منتقل کیا تاہم وہ زخموں کی تاب نہ لاتے ہوئے راستے میں ہی دم توڑ گئے، دوسری جانب حملہ آور موقع سے فرار ہوگئے۔
پولیس نے ملزمان کی گرفتاری کیلئے چھاپے مارنے شروع کردیئے ہیں۔
