مغربی ہوائیں ملک کے مغربی علاقوں میں داخل ہوگئی۔ دو دسمبر کو بلوچستان اور بالائی علاقوں میں گرج چمک کے ساتھ بارش جبکہ پہاڑوں پر برفباری کا امکان ہے۔
محکمہ موسمیات کے مطابق دو دسمبر تک کوئٹہ، پشین، قلعہ سیف اللہ میں بارش اور پہاڑوں پر برفباری ہوگی۔ بارکھان، لورا لائی، ڈیرہ غازی خان میں بھی بارش ہوگی جبکہ گوادر، کیچ اور پنجگور میں پہاڑوں پر برفباری کا بھی امکان ہے۔
کرم، مہمند، دیر، سوات، کوہستان، مالاکنڈ اور بونیر میں بھی گرج چمک کے ساتھ بارش کا امکان ہے۔ گلگت، ہنزہ، سکردو میں بارش اور پہاڑوں پر برفباری ہوسکتی ہے۔
29 نومبر اور دو دسمبر کو مری، اسلام آباد، میانوالی اور بھکر میں بوندا باندی کا امکان ہے۔ پنجاب کے علاقوں میں جاری فضائی آلودگی میں مزید کمی اور ہوا کا معیار بہتر ہونے کی توقع ہے۔ پنجاب کے میدانی علاقوں میں آنے والے دنوں میں دھند کی شدت میں اضافہ ہوگا۔
