راولپنڈی گزشتہ 24 گھنٹوں میں مزید16 افراد ڈینگی وائرس کا شکار ہوگئے۔
حکام کے مطابق ہسپتالوں میں اس وقت ڈینگی کے 59 مریض داخل ہیں، رواں سال 10511افراد کی سکریننگ جبکہ 53 لاکھ 13ہزار 390 گھروں کی جانچ پڑتال کی گئی ہے۔ حکام کے مطابق 1لاکھ 57ہزار 18گھروں میں ڈینگی لاروا کی موجودگی مثبت آئی ہے جبکہ 14لاکھ 25ہزار 361مقامات کی جانچ کے دوران 21 ہزار 17 جگہوں پر لاروا ملا ہے۔
حکام کے مطابق مجموعی طور پر 1 لاکھ 78 ہزار 35 ڈینگی لاروا دریافت ہوا ہے۔ حکام کے مطابق ضابطہ اخلاق کی خلاف ورزی پر 4225 ایف آئی آر درج کی گئی جبکہ 1799مقامات سیل، 3396چالان اور ایک کروڑ پانچ لاکھ روپے سے زائد کے جرمانے بھی کئے گئے ہیں۔
حکام کے مطابق گزشتہ 24 گھنٹوں میں سامنے آنیوالے کیسز ڈھوک چاہ سلطان ،سیٹلائٹ ٹان ڈی بلاک ، ڈھوک کالا خان، خیابان سرسید، یعقوب آباد، ڈھوک منشی، کلیال، کوٹھا کلاں، واہ کینٹ، دھمیال، موہڑ سمیت دیگر علاقوں سے رپورٹ ہوئے ہیں۔
