بھارتی کرکٹ بورڈ نے ایشیا کپ ٹرافی کا معاملہ انٹرنیشنل کرکٹ کونسل میں اٹھانے کا اعلان کر تے ہوئے کہا ہے کہ نومبر کے پہلے ہفتے میں آئی سی سی کا اجلاس دبئی میں ہو گا، اس میں ہم ایشین کرکٹ کونسل کے چیئر مین کے خلاف شدید احتجاج کریں گے۔
بھارتی کرکٹ بورڈ کے سیکرٹری دیواجیت سائیکیا نے کہا ہے کہ بہت جلد ٹرافی میڈلز بھارت کو واپس کئے جائیں گے، ہم نے محسن نقوی سے ٹرافی نہ لینے کا فیصلہ کیا، وہ پاکستان گورنمنٹ کے مرکزی لیڈر ہیں، وہ ٹرافی اور میڈلز اپنے ساتھ لے گئے۔
انہوں نے کہا کہ پہلے دن سے بھارت کا کرکٹ بورڈ حکومتی پالیسی پر عمل کر رہا ہے، ہم باہمی سیریز نہیں کھیلتے، ایشیا کپ ملٹی نیشنل ٹورنامنٹ ہے، پاکستانی ٹیم کو ہرانے پر بھارتی ٹیم پر فخر ہے۔
