برلن: جرمن چانسلر فریڈرک میرٹس نے اردن کے ساتھ مل کر غزہ کی پٹی کے لیے "انسانی ہمدردی کا فضائی پل” قائم کر نے کا اعلان کرتے ہوئے کہا ہے کہ اس کا مقصد غزہ کے باشندوں کی مدد کرنا ہے جو اقوام متحدہ کے مطابق غذائی قلت کی "تشویشناک سطح” کا سامنا کر رہے ہیں۔
چانسلر نے برلن میں ایک پریس کانفرنس کے دوران کہا کہ وزیر دفاع بورس پیسٹوریئس فرانس اور برطانیہ کے ساتھ قریبی ہم آہنگی میں کام کریں گے جو غذائی مواد اور طبی سامان پہنچانے کے لیے ایک ایسا ہی ‘فضائی پل’ قائم کرنے کے لیے بھی تیار ہیں۔
