امریکہ نےغیر ملکی طالبعلموں کے ویزہ انٹرویوز عارضی طور پر روک دئیے

یہ شِنہوا نیوز ہے۔

امریکی حکومت نے دنیا بھر میں اپنے سفارت خانوں اور قونصل خانوں کو غیر ملکی طالبعلموں کے ویزہ انٹرویوز کا نیا شیڈول عارضی طور پر روکنے کی ہدایت کر دی ہے۔امریکی حکام اس پر غور کر رہے ہیں کہ امریکہ میں تعلیم کے خواہش مند تمام غیر ملکی طالبعلموں کے لئےسوشل میڈیا کی جانچ لازمی قرار دی جائے۔ مقامی میڈیا کے مطابق یہ فیصلہ منگل کے روز کے اس سرکاری مراسلے کی بنیاد پر کیا گیا ہے جس پر وزیر خارجہ مارکو روبیو کے دستخط ہیں۔

مراسلے میں واضح طور پر نہیں بتایا گیا کہ مستقبل میں سوشل میڈیا کی اس جانچ کے دوران کن چیزوں کو مدنظر رکھا جائے گا۔

امریکی حکومت اس سے قبل بھی کچھ سوشل میڈیا اسکریننگ شرائط لاگو کر چکی ہے۔ یہ شرائط زیادہ تر اُن طالبعلموں پر مرکوز تھیں جو غزہ میں اسرائیل کی کارروائیوں کے خلاف احتجاج میں حصہ لے کر واپس آئے تھے۔