چین کے شمال مشرقی صوبے حئی لونگ جیانگ کے صدرمقام ہاربن میں سیاح آئی سنو ورلڈ کا دورہ کررہے ہیں۔(شِنہوا)
بیجنگ (شِنہوا) چین میں سال کی پہلی سہ ماہی کے دوران خدمات کی تجارت میں مسلسل اضافہ ہوا ہے جس میں سفر سے متعلق خدمات کی تجارت میں اضافہ سب سے نمایاں رہا ۔
وزارت تجارت نے منگل کے روز بتایا کہ اس مدت کے دوران ملک کی خدمات کی تجارت مجموعی طور پر 19.7 کھرب یوآن (تقریباً 273.5 ارب امریکی ڈالر) رہی جو گزشتہ برس کی نسبت 8.7 فیصد زیادہ ہے۔
خدمات کی برآمدات ایک سال قبل کے مقابلے میں 12.2 فیصد اضافے سے 835.15 ارب یوآن تک پہنچ گئیں جبکہ خدمات کی درآمدات 6.2 فیصد بڑھ کر 11.4 کھرب یوآن تک پہنچ گئیں، یوں تجارتی خسارہ 303.88 ارب یوآن ہوا۔
اعداد و شمار کے مطابق سفر سے متعلق خدمات کی تجارت میں زبردست اضافے کی رفتار جاری رہی اور یہ گزشتہ برس کی نسبت 21.8 فیصد بڑھ کر 584.9 ارب یوآن تک پہنچ گئی ہے۔
علم پر مبنی خدمات کی تجارت میں گزشتہ برس کی نسبت 2.6 فیصد اضافہ ہوا اور یہ 752.49 ارب یوآن رہی۔
