بلوچستان کے ضلع دکی کے اسسٹنٹ کمشنر آفس سے 270 کلو منشیات چوری کرلی گئی۔
پولیس حکام کے مطابق نامعلوم چور دکی میں اسسٹنٹ کمشنر کے دفتر میں واقع مال خانے کی کھڑکی توڑ کر داخل ہوئے اور وہاں رکھی 233کلو افیون، 37کلو چرس چرا کر فرار ہوگئے۔
حکام کے مطابق چوری ہونیوالی لیویز نے منشیات مختلف چھاپوں میں پکڑی تھی، چوری شدہ منشیات کے حوالے سے کیسز تاحال عدالتوں میں زیر سماعت ہیں۔
ایس ایچ او دکی فرمان علی کھوسہ کے مطابق منشیات چوری کا مقدمہ نامعلوم افراد کے خلاف درج کر کے تلاش شروع کردی گئی ہے۔
