ایف آئی اے امیگریشن نے اسلام آباد ایئرپورٹ پر کارروائی کے دوران جعلسازی سے بیرون ملک جانے کی کوشش ناکام بنا کر دو مسافروں کو گرفتار کرلیا۔
ترجمان کے مطابق پشاور اور بونیر سے تعلق رکھنے والے گرفتار مسافر امین خان اور حبیب اللہ عالمی پرواز کے ذریعے ملائیشیا جارہے تھے، مسافروں کے پاسپورٹس پر آمد و روانگی کی جعلی سٹمپ لگی ہوئی تھی۔
ترجمان کے مطابق مسافروں کو مزید قانونی کاروائی کیلئے اینٹی ہیومن ٹریفکنگ سرکل اسلام آباد کے حوالے کر دیا گیا ہے۔
