بیجنگ(شِنہوا)چینی کوسٹ گارڈ کے علاقائی بیورو کے ترجمان نے بتایا کہ فوجیان کوسٹ گارڈ نے قانون کے مطابق کِن مین کے قریب سمندر میں قانون کے نفاذ کے معمول کے گشت کئے۔
چینی کوسٹ گارڈ کے مشرقی بحیرہ چین بیورو کے ترجمان ژو آن چھنگ نے کہا کہ فوجیان کوسٹ گارڈنے نومبر سے کِن مین کے قریب سمندر میں قانون کے نفاذ کے گشت کو مسلسل مستحکم بنانے کے لئے بیڑے کی تشکیل مسلسل بڑھائی ہے۔
ژو نے بتایا کہ کوسٹ گارڈ نے متعلقہ پانیوں میں سمندری نگرانی مزید بہتر کی ہے۔ ان اقدامات نے چین، بشمول تائیوان کے ریجن سے تعلق رکھنے والے ماہی گیروں کے جائز حقوق و مفادات کے ساتھ ساتھ ان کی جان و مال کے تحفظ کو یقینی بنایا ہے اور شیامن-کِن مین سمندری علاقے میں معمول کی جہاز رانی اور عملی نظم و ضبط کو موثر طریقے سے برقرار رکھا ہے۔
