سی سی ڈی پولیس کے مطابق زیر حراست ملزم علی اسد کو نشاندہی کیلئے گرین ٹائون کے علاقے لے جایا جارہا تھا کہ اس دوران ملزم کے ساتھیوں نے حملہ کردیا، فائرنگ تبادلے میں علی اسد اپنے ہی ساتھیوں کی فائرنگ سے زخمی ہوا جو ہسپتال منتقلی کے دوران جانبر نہ ہو سکا۔
سی سی ڈی ماڈل ٹان کی ٹیم نے نشتر کالونی کے قریب مشکوک موٹر سائیکل سواروں کو رکنے کا اشارہ کیا جنہوں نے پولیس پر فائرنگ شروع کردی، جوابی کارروائی میں دو ملزمان ہلاک ہوگئے جن کی شناخت ولی داد اور محسن کے ناموں سے ہوئی، جبکہ ان کے چار ساتھی فرار ہونے میں کامیاب ہوگئے۔
ترجمان کے مطابق سی سی ڈی سول لائنز کی ٹیم نے رنگ روڈ کے قریب ملزمان کو شہریوں سے لوٹ مار کرتے دیکھا، پولیس پارٹی کو دیکھتے ہی ملزمان نے فائرنگ کر دی۔
جوابی فائرنگ میں 2 ملزمان موقع پر ہلاک جبکہ دو فرار ہو گئے، ہلاک ہونیوالوں کی شناخت قیصر عرف ڈی سی اور رضا کے ناموں سے ہوئی ہے۔
ہربنس پورہ ریلوے پھاٹک کے قریب مبینہ مقابلے میں ملزم انس زخمی ہوجسے ہسپتال منتقل کیا جارہا تھا تاہم زخموں کی تاب نہ لا کر دم توڑ گیا۔
پولیس کے مطابق تمام ہلاک ملزمان کیخلاف مختلف تھانوں میں سنگین نوعیت کے مقدمات درج تھے، ترجمان نے بتایا کہ فرار ملزمان کی تلاش شروع کردی گئی ہے۔
