چین کے شمالی صوبہ شنشی میں تائی یوآن سیٹلائٹ لانچ مرکزسے ترمیم شدہ لانگ مارچ-6 کیریئر راکٹ زمین کےنچلے مدارکے سیٹلائٹس کے ایک گروپ کو خلا میں لے جانے کے لئے اڑان بھررہاہے -(شِنہوا)
تائی یوآن(شِنہوا)چین نے شمالی صوبہ شنشی میں تائی یوآن سیٹلائٹ لانچ مرکز سے زمین کے نچلے مدار میں سیٹلائٹس کے ایک نئے گروپ کو کامیابی کے ساتھ خلا میں بھیج دیا ہے۔
اپنی نوعیت کا یہ 11 واں سیٹلائٹس گروپ ایک انٹرنیٹ نیٹ ورک بنائےگا۔ اسے ایک ترمیم شدہ لانگ مارچ-6 کیریئر راکٹ کے ذریعے بیجنگ کے وقت کے مطابق ہفتے کی رات 8 بج کر40 منٹ پر خلا میں بھیجا گیا۔
سیٹلائٹس گروپ کامیابی کے ساتھ اپنے طے شدہ مدار میں داخل ہوگیا۔
یہ لانگ مارچ کیریئر راکٹس کا 597 واں مشن ہے۔
