لاہور: پی ڈی ایم اے پنجاب نے صوبے کے بیشتر اضلاع میں طوفانی بارشوں کی پیشگوئی کر دی۔
ترجمان پی ڈی ایم اے کے مطابق مون سون بارشوں کا 9واں سپیل (کل) جمعہ 29 اگست سے شروع ہوگا جو 2 ستمبر تک جاری رہے گا اس دوران راولپنڈی، مری، گلیات، اٹک، چکوال، جہلم، گجرانولہ، لاہور، گجرات ،سیالکوٹ ،ڈیرہ غازی خان، ملتان اور راجن پور شدید بارشیں متوقع ہیں۔
ریلیف کمشنر پنجاب نبیل جاوید نے صوبہ بھر کے کمشنرز اور ڈپٹی کمشنرز کو الرٹ رہنے کی ہدایت کرتے ہوئے کہا ہے کہ مون سون بارشوں سے پنجاب کے دریائوں اور ملحقہ ندی نالوں میں شدید سیلاب کی صورتحال برقرار ہے، دریائے چناب، راوی اور ستلج میں انتہائی اونچے درجے کا سیلاب ہے۔
انہوں نے کہا کہ بڑے شہروں میں مون سون بارشوں کے باعث ندی نالے بپھر سکتے ہیں۔ تمام ڈپٹی کمشنر اور دیگر افسران فیلڈ میں موجود رہیں۔
انہوں نے کہا کہ شہری خراب موسم کی صورتحال میں احتیاطی تدابیر اختیار کریں، دریائوں کے اطراف اکٹھے ہونے اور سیرو تفریح سے گریز کیا جائے ۔
