کراچی: وفاقی وزیرمنصوبہ بندی وترقی احسن اقبال نے کہا ہے کہ اڑان پاکستان ملکی ترقی کا منصوبہ ہے، بھارت کا خطے کا تھانیدار بننے کا خواب چکنا چور کر دیا ہے، اب بھارت کومعاشی میدان میں بھی شکست دیں گے۔
ان خیالات کا اظہار انہوں نے کراچی پریس کلب میں میڈیا سے گفتگو کرتے ہوئے کیا ۔وفاقی وزیرمنصوبہ بندی نے کہاکہ عالمی مالیاتی ادارے پاکستانی معیشت کی بہتری کا اعتراف کررہے ہیں، حکومت کی بہترین پالیسیوں کی بدولت مہنگائی کی شرح میں نمایاں کمی آئی، ترسیلات زرمیں ریکارڈ اضافہ ہوا ہے، پاکستان سٹاک مارکیٹ ملکی تاریخ کی بلند ترین سطح پرہے، پائیدارترقی کے لیے سیاسی استحکام اور پالیسیوں کا تسلسل ناگزیر ہے۔
احسن اقبال کا کہنا تھا کہ پاکستان نے بھارتی جارحیت کا بھرپورجواب دیا، معرکہ حق کی صورت میں بھارت کی خلاف تاریخی کامیابی ملی۔ انہوں نے کہا کہ یوم آزادی بھرپور جوش و جذبے کیساتھ منایا جائیگا ۔
