شِنہوا نیوز ایجنسی کی میزبانی میں منعقدہ آل-میڈیا ٹاک شو ’چائنہ اکنامک راؤنڈ ٹیبل‘ کے مقررین کے مطابق چین کا تجارتی خلائی شعبہ نمایاں کامیابیاں حاصل کرچکا ہے اور ایک مزید روشن مستقبل کی جانب گامزن ہے-(شِنہوا)
بیجنگ(شِنہوا)چین کا تجارتی خلائی شعبہ اب تک نمایاں کامیابیاں حاصل کر چکا ہے اور ایک روشن مستقبل کی جانب بڑھ رہا ہے۔
شِنہوا نیوز ایجنسی کی میزبانی میں منعقدہ آل-میڈیا ٹاک شو ’چائنہ اکنامک راؤنڈ ٹیبل‘ کے تازہ اجلاس کے مہمان مقررین کے مطابق چند ماہ قبل چینی خلائی کمپنی گیلیکسی سپیس نے ملک کے پہلے زمین کے کم مدار والے براڈبینڈ کمیونیکیشن ٹیسٹ سیٹلائٹ جھرمٹ کی بنیاد پر موبائل سے سیٹلائٹ کمیونیکیشن ٹیکنالوجی کا کامیاب مظاہرہ کیا۔
کمپنی کے شریک بانی اور نائب صدر گاؤ چھیان فینگ نے کہا کہ جدید ٹیکنالوجیز کا آخرکار عوام اور معاشرے کو فائدہ پہنچنا چاہیے۔ انہوں نے مزید کہا کہ کمپنی تحقیق، پیداوار اور عملی اطلاق کے بہتر انضمام کو تلاش کر رہی ہے۔
گاؤ نے کہا کہ حالیہ برسوں میں چین نے ایسی کمپنیوں کو جدیدیت کی صلاحیت بڑھانے میں مدد دینے کے لئے کئی اقدامات کئے ہیں۔
2018 میں قائم ہونے والی گیلیکسی سپیس چین میں ایک نمایاں سیٹلائٹ انٹرنیٹ حل فراہم کرنے اور سیٹلائٹ بنانے والی کمپنی ہے۔ اسے ملک کی پہلی یونیکورن تجارتی خلائی کمپنی کے طور پر بھی تسلیم کیا گیا ہے۔
حالیہ برسوں میں چین نے ایسی کمپنیوں کو جدیدیت کی صلاحیت بڑھانے میں مدد دینے کے لئے کئی اقدامات کئے ہیں۔
