بیسل: دفاعی چیمپئن انگلینڈ نے سپین کو3-1 گول سے شکست دے کر دوسری مرتبہ یوئیفا ویمنز فٹ بال چیمپئن شپ جیت لی۔سوئٹزر لینڈ کے شہر سینٹ جیکب پارک بیسل میں کھیلے گئے چیمپئن شپ کے فائنل میچ میں دفاعی چیمپئن انگلینڈ اور سپین کی ویمنز ٹیمیں آمنے سامنے تھیں جس میں سپین کی ٹیم کی جانب سے پہلا گول ماریونہ کالڈینٹی نے 25 ویں منٹ پر سکور کیا جس کو بعد میں انگلینڈ کی جانب سے الیسیا روسو نے میچ کے 57 ویں منٹ پر ایک گول کر کے مقابلہ 1-1 گول سے برابر کر دیا جو بعد میں مقررہ وقت تک برقرار رہا اور اضافی وقت میں بھی کوئی ٹیم گول سکور نہ کر سکی۔
دونوں ٹیموں کے درمیان انتہائی سخت مقابلہ ہوا میچ مقررہ وقت پر 1-1 گول سے برابر رہا جس کے بعد اضافی وقت پر بھی برقرار رہا جس کے بعد میچ کو فیصلہ کن بنانے کے لئے پنالٹی شوٹ آئوٹ کا سہار لیا گیا جس پر انگلینڈ کی ٹیم نے سپین کی ٹیم کو 1 کے مقابلے میں 3 گول سے ہرا کر نہ صرف یوئیفا ویمنز فٹ بال چیمپئن شپ کا کامیاب دفاع کیا بلکہ دوسری مرتبہ ٹائٹل اپنے نام کرلیا۔
اس سے قبل انگلینڈ کی ویمنز ٹیم نے 2022 کی یوئیفا ویمنز فٹ بال چیمپئن شپ جیتی تھی۔ انگلینڈ کی جانب سے پنالٹی شوٹ آئوٹ پر ایلکس گرین وڈ، نیام چارلس اورچلو کیلی نے گول سکورکیا جبکہ سپین کی جانب سے واحد گول پیٹری گیجارو نے سکور کیا۔
