منگل, جولائی 29, 2025
انٹرنیشنللیہ گوٹیریز اے ڈی بی کے وسطی اور مغربی ایشیا ڈپارٹمنٹ کی...

لیہ گوٹیریز اے ڈی بی کے وسطی اور مغربی ایشیا ڈپارٹمنٹ کی ڈائریکٹر جنرل تعینات

منیلا: مسزلیہ گوٹیریز کو ایشیائی ترقیاتی بینک(اے ڈی بی) کے وسطی اور مغربی ایشیا ڈپارٹمنٹ کی ڈائریکٹر جنرل تعینات کر دیا گیا ،وہ اے ڈی بی کے 11 ممالک سے تعلقات کی قیادت کریں گی، ان ملکوں میں افغانستان، آرمینیا، آذربائیجان، جارجیا، قازقستان، کرغزستان، پاکستان، تاجکستان، ترکی، ترکمانستان، اور ازبکستان شامل ہیں۔

مسز گوٹیریز نے کہا کہ اس عہدے پر خدمات انجام دینا میرے لیے اعزاز کی بات ہے اور میں ترقی پذیر رکن ممالک اور متعلقہ فریقین کے ساتھ مل کر خطے میں جامع ترقی، علاقائی تعاون، اور پائیدار ترقی کو فروغ دینے کے لیے کام جاری رکھوں گی۔

خیال رہے لیہ گوٹیریز لیہ گوٹیریزفلپائن کی شہری ہیں اور امریکا کی یونیورسٹی آف پنسلوانیا سے اکنامکس میں پی ایچ ڈی اور ماسٹرز کی ڈگری حاصل کی ہے، انہوں نے یونیورسٹی آف فلپائن سے بزنس اکنامکس میں بیچلرز کی ڈگری بھی حاصل کی ہے۔ پیسیفک ڈپارٹمنٹ کی سابق ڈائریکٹر جنرل بھی رہ چکی ہیں، انہوں نے اے ڈی بی کے اسٹریٹجی، پالیسی اور پارٹنرشپس ڈپارٹمنٹ، ساتھ ایسٹ ایشیا ڈپارٹمنٹ، اور سیکرٹری کے دفتر میں بھی سینئر عہدوں پر خدمات انجام دی ہیں۔

ان کے پاس 40 سال سے زائد پیشہ ورانہ تجربہ ہے، جن میں سے 25 سال انہوں نے ایشیائی ترقیاتی بینک (اے ڈی بی) میں گزارے ہیں، اپنے حالیہ تقرر سے قبل، لیہ گوٹیریز اے ڈی بی کے سیکٹرز ڈپارٹمنٹ 3 کی ڈائریکٹر جنرل تھیں، جہاں انہوں نے مالیات، انسانی و سماجی ترقی، اور پبلک سیکٹر مینجمنٹ اور گورننس کے امور کی نگرانی کی۔

انٹرنیوز
+ posts
متعلقہ خبریں
- Advertisment -
Google search engine

زیادہ پڑھی جانے والی خبریں

error: Content is protected !!