چین کے شمالی تیانجن میں چائنہ پیٹروکیمیکل کارپوریشن (سائنوپیک) کے ایل این جی کے درآمدی ٹرمینل پر مائع قدرتی گیس (ایل این جی) کنٹینرجہاز لنگرانداز ہے۔(شِنہوا)
بیجنگ (شِنہوا) چین کے سرکاری ملکیتی کاروباری اداروں (ایس او ایز) کی کارکردگی رواں سال کے ابتدائی 2 ماہ کے دوران مستحکم رہی۔
وزارت خزانہ کے اعداد و شمار کے مطابق اس مدت کے دوران سرکاری کاروباری اداروں کی کاروباری آمدنی تقریباً 124.9 کھرب یوآن (تقریباً 17.4 کھرب امریکی ڈالر) رہی جو ایک برس قبل سے 0.3 فیصد کم ہے۔
سرکاری کاروباری اداروں کا مشترکہ منافع گزشتہ برس کی نسبت 0.1 فیصد بڑھ کر 625.5 ارب یوآن ہوگیا۔
وزارت کا کہنا ہے کہ سرکاری کاروباری اداروں کا قرض۔ اثاثہ تناسب فروری کے اختتام پر 64.9 فیصد تک پہنچ گیا جو گزشتہ برس کی نسبت 0.1 فیصد پوائنٹس زائد ہے۔
یہ اعداد و شمارصوبائی سطح کے علاقوں اور مرکزی حکومت کے زیر انتظام سرکاری کاروباری اداروں سے جمع کیے گئے ہیں جن میں مالیاتی اداروں کے نتائج شامل نہیں ہیں۔
