چین کے شمال مغربی صوبے شانشی کی کاؤنٹی پُوچھنگ میں واقع ایک آزمائشی پرواز مرکز پر چین کااے جی600 ایمفیبیئس بڑا طیارہ دیکھا جاسکتاہے۔(شِنہوا)
بیجنگ (شِنہوا) چین کے اے جی 600 ایمفیبیئس بڑے طیارے نے پرواز کی سند کے لئے درکار اپنی تمام آزمائشیں مکمل کرلی ہیں جو اس کی فضائی اہلیت کی سند کے حصول میں ایک اہم قدم ہے۔
چائنہ ایوی ایشن انڈسٹری کارپوریشن (اے وی آئی سی)نے جمعہ کے روز بتایا کہ چین کے خود مختار طور پر تیار کردہ اےجی 600 طیارے نے چین کے شمالی مغربی صوبہ شانشی کی پُوچھنگ کاؤنٹی میں واقع ایک غیرعسکری طیارہ پرواز تجربہ مرکز میں آتش گیر مائع کے اخراج کی تعمیلی پرواز کے تجربے کو کامیابی کے ساتھ مکمل کیا۔
طیارہ ساز کمپنی کا کہنا ہے کہ گزشتہ 2برس میں اے جی600طیارے نے فضائی اہلیت سے قبل 2ہزار14 آزمائشی پروازیں کیں جو مجموعی طور پر 3ہزار560 پرواز گھنٹوں پر مشتمل تھیں۔
اے جی600طیارے نے اپنی آزمائشی پروازوں کے لئےملک کے مختلف مقامات کا سفر کیا جس میں کچھ آزمائشی پروازیں مخصوص موسمی حالات میں کی گئیں۔
اے وی آئی سی کے مطابق آزمائشی پروازیں آبی سطح، انتہائی سردی، زیادہ درجہ حرارت اور نمی، آندھی اور اور روایتی آگ بجھانے کے کاموں جیسے مختلف منظرناموں میں کی گئیں تاکہ مختلف خصوصی ماحول میں طیارے کی عملی صلاحیتوں کو جانچا جاسکے۔
