چیئرمین پی ٹی آئی بیرسٹر گوہر نے عمران خان سے ملاقات سے انکار کی خبر کو بے بنیاد اور من گھڑت قرار دے دیا۔
جاری بیان میں بیرسٹر گوہر نے کہا کہ مجھے گزشتہ روز بانی پی ٹی آئی سے ملاقات کی کوئی پیشکش نہیں کی گئی، حکومت اور جیل انتظامیہ نے ملاقات کی اجازت نہیں دی، کسی اہل خانہ یا وکیل کیساتھ جانے کی شرط عائد کرنے کا سوال ہی نہیں ہے۔
انہوں نے کہا کہ ہر منگل اڈیالہ جیل جاتا ہوں، کل بھی معمول کے مطابق گیا، پولیس نے ملاقات سے روکا، وقت مکمل ہونے پر واپس آ گیا۔
