پاکستان اور امریکا کے مابین مینز اور ویمنزکر کٹ ٹیموں کے درمیان سیریز کرانے پر اتفاق ہو گیا ، دونوں ملکوں کے بورڈز کرکٹ سیریز کرانے کے پروگرام کو حتمی شکل دیں گے۔چیئرمین پی سی بی محسن نقوی نے یو ایس اے کرکٹ کے چیف ایگزیکٹو آفیسر جوناتھن اٹکیسن سے ملاقات کی جس میں پاکستان اور امریکا کے درمیان کرکٹ سیریز کرانے پر تبادلہ خیال کیا گیا جبکہ پاکستان، امریکہ اور کینیڈا کے مابین ٹرائی سیریز کے امکانات پر بھی بات چیت کی گئی ۔ ملاقات میں پاکستان اور امریکہاکی ویمنز ٹیمز کے درمیان ایک دوسرے کے ملکوں میں سیریز کرانے پر گفتگو بھی ہوئی۔
ملاقات میں چیئرمین پی سی بی محسن نقوی نے یو ایس اے کرکٹ کے سی ای او کو ہر ممکن معاونت کی یقین دہانی کروائی۔ چیئرمین پی سی بی محسن نقوی نے کہا کہ امریکہ میں کرکٹ کے فروغ کیلئے پی سی بی بھرپور تعاون فراہم کرنے کے لئے تیار ہے۔چیئرمین پی سی بی محسن نقوی نے کہا کہ پاکستان اور امریکا کے درمیان کرکٹ کے فروغ کے بے پناہ مواقع ہیں۔
یو ایس اے کرکٹ کے چیف ایگزیکٹو آفیسر نے چیمپئنز ٹرافی ٹورنامنٹ کی دعوت پر چیئرمین پی سی بی محسن نقوی کا شکریہ ادا کیا۔ چیئرمین پی سی بی محسن نقوی نے امریکا کے کوچز کو پاکستان میں تربیت دینے کی پیشکش کی ۔چیئرمین پی سی بی محسن نقوی نے یو ایس اے کرکٹ کے چیف ایگزیکٹو آفیسر کو چیمپئنز ٹرافی ٹورنامنٹ کے میچز دیکھنے کے لئے پاکستان آنے کی دعوت دی۔ چیف ایگزیکٹو آفیسر پی ایس ایل سلمان نصیر بھی اس موقع پرموجود تھے۔
