شام-لبنان سرحدی گزرگاہ پر بنیادی شہری سہولیات کو نشانہ بنایا، اسرائیلی فوج

لبنان کے جنوبی علاقے میں تباہ شدہ عمارتیں دیکھی جاسکتی ہیں ۔(شِنہوا)

یروشلم (شِنہوا) اسرائیلی دفاعی افواج(آئی ڈی ایف)نے ایک بیان میں کہا ہے کہ  اس کی فضائیہ نے شام-لبنان سرحد پر جنتا گزرگاہ پر بنیادی شہری سہولیات کو نشانہ بنایا ہے۔اس کے بارے میں دعویٰ کیا گیا ہے  کہ یہ لبنان میں حزب اللہ کو شام کے راستے اسلحہ اسمگل کرنے کے لئے  استعمال کی جاتی تھیں ۔

بیان میں جمعہ کے روز کہا گیا ہے کہ حزب اللہ بنیادی دہشت گرد سرگرمیوں اور اسرائیلی شہریوں کے خلاف دہشت گرد حملوں میں استعمال ہونے والا  اسلحہ اسمگل کرنے کے لئے  بنیادی شہری سہولیات کا استعمال کررہی تھی۔

بیان کے مطابق   آئی ڈی ایف جنگ بندی معاہدے میں مفاہمت کی شرائط کے مطابق اسرائیل کو درپیش کسی بھی خطرے سے نمٹنے کے لئے کارروائی جاری رکھے گا۔

یہ حملہ  حزب اللہ کے ساتھ جنگ بندی معاہدہ  کے باوجود لبنان میں اقوام متحدہ کی عبوری فوج کی طرف سے اسرائیلی فوج کی مسلسل تباہی پر تشویش ظاہر کرنے کے ایک دن بعد کیا گیا ہے۔

یہ جنگ بندی معاہدہ اسرائیل اور حزب اللہ کے درمیان تقریباً 14 ماہ سے جاری  لڑائی کو بند کرنے کے لئے گیا تھا جو 27 نومبر کو نافذ ہوا۔