باکستان کرکٹ بورڈ (پی سی بی) نے 25 کرکٹرز کو 2024-25بین الاقوامی کرکٹ سیزن کے لیے کنٹریکٹ دینے کا اعلان کر دیا، بابراعظم اور محمد رضوان اے کیٹیگری میں برقرار، شاہین شاہ آفریدی اور نسیم شاہ کو بی کیٹیگری میں شامل کیا گیا ہے،
شان مسعود کی بی کیٹیگری میں شمولیت کپتانی سے اور نعمان علی کی سی کیٹیگری میں شمولیت فٹنس سے مشروط ہے۔ کرکٹ بورڈ کے مطابق سی کیٹیگری کی پیشکش جن کھلاڑیوں کو کی گئی ان میں عبداللہ شفیق، حارث روف، ابرار احمد، نعمان علی، صائم ایوب، ساجد خان، شاداب خان، سعود شکیل اور سلمان علی آغا شامل ہیں۔
پی سی بی کی جانب سے عامر جمال، محمد وسیم جونئیر، محمد ہریرہ، میر حمزہ، خرم شہزاد، محمد علی، عثمان خان، عرفان خان نیازی، حسیب اللہ خان، عباس آفریدی اور کامران غلام کو ڈی کیٹیگری آفر کی گئی ہے۔ پی سی بی کے مطابق اس بار پانچ ایمرجنگ کرکٹرز کو بھی سینٹرل کنٹریکٹس دیے گئے ہیں۔
جن کھلاڑیوں کو سینٹرل کانٹریکٹ نہیں ملا ان میں محمد نواز، سرفراز احمد اور عماد وسیم، فہیم اشرف افتخار احمد اور احسان اللہ شامل ہیں۔ طیب طاہر، شاہنواز دھانی محمد حارث، زمان خان، ارشد اقبال، حسن علی اسامہ، میر فخر زمان اور امام الحق بھی کنٹریکٹس حاصل نہ کر سکے۔
