میانمار کے سب سے بڑے شہر ینگون میں اتوار کے روز چین کی جانب سے زلزلہ متاثرین کے لیے بھیجی گئی انسانی امداد کی پندرہویں کھیپ باضابطہ طور پر مقامی حکام کے حوالے کر دی گئی ہے۔
ینگون ریجن کے چیف منسٹر یو سو تھیئن نےامدادی سامان وصول کیا جس میں بارہ ہزار ٹن ڈیزل، تین ہزار ٹن پٹرول، ایک ہزار ایک سو بیس تیار شدہ رہائشی یونٹس، ایک سو ساٹھ تیار شدہ دفتری یونٹس اور دیگر دفتری ساز و سامان شامل ہے۔
28 مارچ کو میانمار میں آنے والے زلزلے کی شدت 7.9 ریکارڈ کی گئی تھی۔ سرکاری اعداد و شمار کے مطابق 13 مئی تک اس زلزلے میں تقریباً تین ہزار آٹھ سو افراد جان کی بازی ہار گئے اور پانچ ہزار ایک سو سے زائد زخمی ہوئےجب کہ پچاسی افراد تاحال لاپتا ہیں۔
ینگون، میانمار سے شِنہوا نیوز ایجنسی کے نمائندوں کی رپورٹ
