ارمچی (شِنہوا) چین کے شمال مغربی سنکیانگ ویغور خودمختار علاقے میں چھوٹے پیمانے کی سرحدی تجارت کا درآمدی و برآمدی حجم 2025 میں 209.09 ارب یوآن (30.2 ارب امریکی ڈالر) تک پہنچ گیا جو مسلسل چوتھے سال ملک بھر میں پہلے نمبر پر رہا۔
چین کی مغرب کی جانب کشادگی کی پالیسی میں ایک اہم خطہ ہونے کے ناطے سنکیانگ نے اپنی جغرافیائی اہمیت سے فائدہ اٹھاتے ہوئے ہمسایہ ممالک کے ساتھ سرحدی تجارتی تعاون کو مزید مضبوط کیا ہے۔ 2025 میں اس خطے کی مجموعی غیر ملکی تجارت پہلی بار 500 ارب یوآن سے تجاوز کر گئی، جو گزشتہ سال کے مقابلے میں 19.9 فیصد زیادہ ہے، یہ شرح چین میں سب سے تیز رفتار ترقی کی شرح رہی۔ اس توسیع میں چھوٹے پیمانے کی سرحدی تجارت نے اہم کردار ادا کیا۔
تجارتی سہولیات کو بہتر بنانے کے لئے سنکیانگ نے بندرگاہی سہولیات کو جدید بنایا اور کسٹمز کلیئرنس کے نئے ماڈلز متعارف کرائے۔ سمارٹ بندرگاہوں کی تعمیر میں اہم پیشرفت کے طور پر چین اور کرغزستان کے درمیان پہلے مال بردار روٹ کے لئے 24 گھنٹے کام کرنے والا نظام شروع کیا گیا جس سے کام کی کارکردگی بہت بہتر ہوئی۔
اب تک سنکیانگ نے ہمسایہ ممالک کے قریبی علاقوں کے ساتھ مقامی سطح پر اقتصادی تعاون کے آٹھ نظام قائم کئے ہیں۔
کاروباری ماحول کو بہتر بنانے سے متعلق ایک کانفرنس کے مطابق 2026 میں سنکیانگ بندرگاہوں کو جدید بنانے کے عمل کو تیز کرے گا، بڑی زمینی پورٹس کے اوقات کار میں توسیع کرے گا اور ذخیرہ کرنے اور نقل وحمل کی سہولتوں کو بہتر بنائے گا تاکہ سرحدی تجارت کی صحت مند اور پائیدار ترقی کو یقینی بنایا جا سکے۔
 تک پہنچ گیا جو مسلسل چوتھے سال ملک بھر میں پہلے نمبر پر رہا۔){kind=link}