چین کے مشرقی صوبہ جیانگسو کے شہرسوژو میں سوژو صنعتی پارک میں نینو ٹیكنالوجی كمپنی كا عملہ كام كررہا ہے۔(شِنہوا)
نان جنگ(شِنہوا) چین اور سنگاپور کے درمیان 26 سرمایہ کاری تعاون منصوبوں پر چین کے مشرقی صوبہ جیانگسو کے شہر سوژو میں واقع ایک ممتاز صنعتی پارک میں دستخط کر دئیے گئے ہیں۔
یہ منصوبے بائیوفارماسیوٹیکلز، مشترکہ اختراع اور ڈیجیٹل معیشت جیسے شعبوں پرمشتمل ہیں جوکہ سوژو صنعتی پارک میں منعقدہ چین۔سنگاپور سرمایہ كاری فورم کے دوران طے پائے جو چین اورسنگاپور کے درمیان پہلا بین الحکومتی تعاون کا منصوبہ ہے۔
ان منصوبوں میں چین-سنگاپور پائیدار اسٹیٹ مشترکہ اختراعی ورکشاپ اور سنگاپور میں چینی کمپنیوں کے نئے غیر ملکی ہیڈکوارٹرز اور آپریشن سینٹرز کا قیام شامل ہے۔
سنگاپور کی 400 سے زائد کمپنیوں کا مرکز 1994 میں قائم ہونے والا سوژو صنعتی پارک دونوں ممالک کے درمیان قریبی تعاون کی ترقی کا گواہ رہا ہے۔
چین کی وزارت تجارت نے ایک حالیہ اعلامیےمیں اصلاحات کو فروغ دینے، کلیدی شعبوں کو کھولنے اور عالمی وسائل سے فائدہ اٹھانے کی صلاحیت کو بہتر بنانے كے لئے سوژو صنعتی پارك كی كوششوں میں حمایت فراہم کرنے پر زور دیا ہے۔
