راولپنڈی کی مقامی عدالت نے توہین رسالت اور توہین قرآن پاک کیس میں 5 مجرمان کو پھانسی ،عمر قید اور 80 سال قید سخت کی سزا سنا دی۔ ایڈیشنل ڈسٹرکٹ اینڈ سیشن جج طارق ایوب نے فیصلے میں کہا کہ پانچوں مجرمان کو مجموعی 65 لاکھ روپے جرمانہ بھی ادا کرنا ہوگا،
مجرمان محمد ارسلان، علی عباس، فیصل ریحان، خرم افضال اور زنیر سکندر کو سزا سنائی گئی۔ فیصلہ کے بعد پانچوں مجرمان کو اڈیالہ جیل منتقل کر دیا گیا، عدالت نے قرار دیا کہ مجرمان نے گھنانا جرم کیا ہے یہ کسی رعایت کے مستحق نہیں، مجرمان کو اس وقت تک پھانسی پھندا پر لٹکائے رکھا جائے جب تک موت واقع نا ہو۔
