وزیراعلی پنجاب مریم نواز نے ایئر پنجاب جلد فعال ، مری گلاس ٹرین منصوبے کیلئے اقدامات کی ہدایت کردی۔
ذرائع کے مطابق وزیراعلی پنجاب کی زیر صدارت اجلاس میں ایئرپنجاب پراجیکٹ پر پیشرفت کا جائزہ لیا گیا، مریم نواز کو منصوبے کے بارے میں تفصیلی بریفنگ دی گئی۔
اجلاس میں لاہور سے اسلام آباد ایئرپنجاب کے فلائٹ روٹ پر اتفاق کیا گیا۔وزیراعلی نے ایئر پنجاب کے فیز ون کیلئے کارروائی جلد مکمل کرنے کی ہدایت کی جس کیلئے جدید اور آرام دہ طیارے لیز پر حاصل کئے جائینگے۔
اجلاس میں مری گلاس ٹرین پراجیکٹ کا بھی جائزہ لیا گیا، وزیراعلی نے منصوبے کیلئے تمام ممکنہ اقدامات اٹھانے کی ہدایت کی۔
