لاہور ہائیکورٹ نے پی ٹی اے سے کم عمر بچوں کے سوشل میڈیا استعمال کی تفصیلات طلب کر لیں۔جمعرات کو لاہور ہائیکورٹ میں چیف جسٹس عالیہ نیلم نے شہری اعظم بٹ کی کم عمر بچوں کے فیس بک، ٹک ٹاک استعمال پر پابندی کیلئے دائر درخواست پر سماعت کی۔
وکیل درخواست گزار نے بتایا کہ کم عمر بچے فیس بک اور ٹک ٹاک جیسے سوشل میڈیا پلیٹ فارمز پر نامناسب مواد دیکھتے ہیں جس سے ان کی تعلیمی سرگرمیاں متاثر ہو رہی ہیں۔
وکیل نے کہا کہ ان سوشل میڈیا ایپلی کیشنز پر بچوں کو غیر مناسب مواد تک رسائی حاصل ہے جس کا ان کی ذہنی اور تعلیمی نشوونما پر منفی اثر پڑ رہا ہے۔
عدالت نے دلائل سننے کے بعد پی ٹی اے سے کم عمر بچوں کے سوشل میڈیا استعمال کی تفصیلات اور درخواست گزار سے پی ٹی اے کو دی گئی درخواست کی تفصیل طلب کرتے ہوئے کہا کہ بتایا جائے پی ٹی اے کو کب درخواست دی اور ادارے نے کب اسے وصول کیا؟۔ بعد ازاں کیس کی سماعت ملتوی کردی گئی۔
