فیصل آباد: عدالت نے 9 مئی کو لیگی رہنماء رانا ثناء اللہ کے گھر حملہ کیس میں عمر ایوب، شبلی فراز سمیت 75 ملزمان کو قید کی سزائیں سنا دیں۔
پیر کو اے ٹی سی فیصل آباد میں مشیر وزیراعظم رانا ثناء اللہ کے گھر حملہ کیس پر سماعت ہوئی۔ عدالت نے فیصلہ سناتے ہوئے 109ملزمان میں سے 75کو مجرم قرار دیتے سزائیں سنا دیں۔
عدالتی فیصلے کے مطابق تھانہ سمن آباد میں درج مقدمے میں عمر ایوب، شبلی فراز، زرتاج گل، شیخ راشد شفیق، رائے مرتضی اقبال، رائے حسن نواز، اسماعیل سیلا، عنصر اقبال، بلال اعجاز، اشرف سوہنا ، مہر جاوید، شکیل نیازی، فرح آغا، محمد خان، فرخندہ کوکب، محمد احمد چٹھہ اور کنول شوزب سمیت 59 ملزمان کو 10، 10سال ،16ملزمان کو 3، 3سال قید کی سزا سنائی جبکہ فواد چودھری اور زین قریشی سمیت 34بری کو مقدمے سے کر دیا گیا۔
