پیرس: آسٹریلیا کے سائیکل سوار بین او کونر نے ٹور ڈی فرانس سائیکل ریس کا 18واں مرحلہ جیت لیا۔ ٹور ڈی فرانس سائیکل ریس کے 18ویں مرحلے میں سائیکل سواروں نے فرانس میں ویف سے کول ڈی لا لوز تک کا فاصلہ طے کرنا تھا جو 171.5 کلو میٹر پر محیط تھا۔
آسٹریلیا کے سائیکل سوار بین اوکونر نے عمدہ سائیکلنگ کا مظاہرہ کرتے ہوئے 171.5 کلومیٹر کا فاصلہ 5 گھنٹے 3منٹ اور47 سیکنڈز میں طے کرکے پہلی پوزیشن حاصل کی۔ سلووینیا کے سائیکل سوار اور ایونٹ کے دفاعی چیمپئن تڈیج پوگاآر نے 18ویں راؤنڈ میں دوسری پوزیشن حاصل کی جبکہ ڈینش سائیکل سوار جوناس ونجیگارڈ راسموسن نے تیسری پوزیشن حاصل کی۔
ریس کا 12 واں مرحلہ جیتنے کے ساتھ ہی سلووینیاکے سائیکل سواراور ایونٹ کے دفاعی چیمپئن تڈیج پوگاآر نے تیسری مرتبہ یلوجرسی حاصل کرلی ہے جس پر تاحال ان کا قبضہ برقرار ہے۔ ٹور ڈی فرانس سائیکل ریس 21 مرحلوں پر محیط ہوگی جس میں سائیکل سوار 3338.8کلو میٹر کا سفر طے کریں گے ۔
ٹور ڈی فرانس سائیکل ریس 24 روز جاری رہنے کے بعد 27 جولائی کو اختتام پذیر ہوگی۔
